କଳାକାର ମହାସଂଘର ଶୋକସଭା
କଳା ଓ କଳାକାର ହିତୈଷୀ ମହାମଞ୍ଚ “ନିଖିଳ ଓଡ଼ିଶା ବରିଷ୍ଠ କଳାକାର ମହାସଂଘ” ତରଫରୁ ମହାସଂଘ ମହାସଚିବ ସୁବାସ ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ବରିଷ୍ଠ ଗ୍ରାମୀଣ ନାଟ୍ୟ ନିର୍ଦ୍ଦେଶକ ଭଗବାନ ବିଷୋୟୀଙ୍କ ଅବର୍ତ୍ତମାନରେ ଏକ ଶୋକ ସଭା ବାଲାଜୀ ପେଣ୍ଠ ସାହି ସ୍ଥିତ ବାସଭବନ ପରିସରରେ ଅନୁଷ୍ଠିତ ହୋଇଯାଇଛି। ଉପ-ମହାସଚିବ ପ୍ରଦୀପ କୁମାର ସାହୁ ପ୍ରାରମ୍ଭିକ ସୂଚନା ଦେବାପରେ ଦିବଂଗତ ଆତ୍ମାର ସଦ୍ଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରାଯାଇଥିଲା। ଏଥିରେ ନୃତ୍ୟ ଗୁରୁ ବି. ପ୍ରସାଦ ରାଓ, ମୃଦଙ୍ଗ ବାୟକ କୁନୁ ବେହେରା, ଗାହଣ ନୃତ୍ୟବିତ୍ ଜି. କାମରଜୁ ପାତ୍ର, ବରିଷ୍ଠ କଳାକାର ମହେନ୍ଦ୍ର କୁମାର ସାହୁ ପ୍ରମୁଖ ସ୍ବର୍ଗତ ଭଗବାନଙ୍କ ସ୍ମୃତି ଚାରଣ ସହ ଶ୍ରଦ୍ଧାସୁମନ ଅର୍ପଣ କରିଥିଲେ। ଭଗବାନ ବାବୁ ଦୀର୍ଘ ଦିନ ଧରି ବେଗୁନିଆପଡା ବ୍ଲକ ଅନ୍ତର୍ଗତ କୁମାରିପାରି ଗ୍ରାମସ୍ଥିତ ନିଜ ବାସଭବନରେ ଶଯ୍ୟାଶାୟୀ ରହି ଚଳିତ ମାସ ପାଞ୍ଚ ତାରିଖ ଅପରାହ୍ନ ଗୋଟାଏ ବେଳେ ଇହଲୀଳା ଶମ୍ବରଣ କଲେ। ସେ ଜଣେ ନିଷ୍ଠାପର ନାଟ୍ୟଗୁରୁ ଥିଲେ। ଗ୍ରାମୀଣ ନାଟ୍ୟ ନିର୍ଦ୍ଦେଶକ ସଂଘ ଓ କଳାକାର ମହାସଂଘ ସହିତ ଜଡିତ ରହି ଆପଣା ସାଙ୍ଗଠନିକ ଦକ୍ଷତା ପ୍ରଦର୍ଶନ କରିଥିଲେ। ତାଙ୍କ ବିୟୋଗ ଗଞ୍ଜାମ ଜିଲ୍ଲା ଗ୍ରାମୀଣ ନାଟ୍ୟ ଜଗତ ପ୍ରତି ଏକ ଅପୂରଣୀୟ କ୍ଷତି ବୋଲି ଆଲୋଚକ ମାନେ ମତବ୍ୟକ୍ତ କରିଥିଲେ।
